ناوەرۆكی رێكەوتنی هەشت لایەنی باكوری كوردستان بۆ هەڵبژاردنەكان

لەلایەن ستاندار Posted on 953 جار بینراوە 0 سەرنج
hdp

ستاندەر

لە ئامەدی باکوری کوردستان، هەشت پارتی كوردی کە ئەندامن لە پلاتفۆرمی (یەکڕیزیی کوردستانی بۆ هەڵبژاردنی شارەوانییەکان)، لەژێر چەتری پارتی دیموکراتی گەلان(هەدەپە) کۆبونەوە و بڕیاریاندا ئەو رێككەوتنەی پێشتر بۆ بەشداریی لە هەڵبژاردنی شارەوانییەکان ئەنجامیاندابو، بکرێتە هەمیشەیی.

لە كۆنگرەیەكی رۆژنامەوانی، كە خەندان وەریگرتووە، نوێنەری ئەو پارتە كوردییانە بۆ دەزگاكانی راگەیاندن ناوەرۆكی كۆبونەوەكەیان ئاشكراكرد و رایانگەیاند، بۆ ئەوەی هێڵی سیاسەتی نەتەوەیی بە شێوەیەکی ستراتیژیی لە باکور بکەین بە هەمیشەیی، کۆبوینەوە، موژدەیەکی خۆشمان بۆ گەلی کورد هەیە؛ ئێمە هێڵی نەتەوەییمان لە باکور دروستکرد، هێز و لایەنە کوردستانییەکان پێکەوەن و یەکێتییەک لە مەیدانی سیاسەتی نەتەوەیی بەرز دەکەنەوە، کۆبونەوەی ئەمڕۆ بۆ هەڵبژاردن نییە، بۆ پێکەوە کارکردنە”

ئاماژە بەوەشكرا كە كۆبونەوەكان بەردەوامیان دەبێـت و كوردانی باكوری كوردستانیان دڵنیاكردەوە كە “ڕایان یەکێکە و پێکەوە دەجوڵێنەوە.”

ئەو هەشت حزبەی رێككەوتنی هەمیشەییان ئەنجامدا ئەمانەن:

پارتی دیموکراتی گەلان-هەدەپ

پارتی هەرێمە دیموکراتیەکان-بەدەپە

تەڤگەری ئیسلامی کوردستان- ئازادی

کۆمەڵەکانی کوردی دیموکرات و شۆرشگێڕ (DDKD)

پارتی ئازادی و مرۆڤایەتی (PIA)

پارتی کۆمۆنیستی کوردستان (KKP)

پلاتفۆرمی دیموکراتی کوردستان (PDK)

پارتی دیموکراتی کوردستان – تورکیا (PDK-T)

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *