ستاندەر
دەزگای ستاندەر مامەڵەی هێزە ئەمنیەكان لە سلێمانی بەرامبەر رۆژنامەنووسان و كەناڵەكانی راگەیاندن و راگرتنی پەخشی ئێن ئارتی سەركۆنە دەكات، لە پەراوێزی روماڵكردنی نارەزایەتیەكانی خەڵك بەهۆی دواكەوتنی مووچە و خراپی حكومرانی.
دەزگای ستاندەر داوا لە لایەنە پەیوەندیدارەكانی دەسەڵاتی سلێمانی دەكات رێزی كاری میدیایی بگرن و تێكەڵی نەكەن لەگەل ململانێكان، كە لە زۆربەی بارودۆخەكان رۆژنامەنووسان و دەزگاكانی راگەیاندن دەبنە قوربانی.
راشیدەگەیەنێت ئەو جۆرە مامەلەیە ئەوەندەی تر رووی هەرێمی كوردستان لە ناوەندە نێودەولەتیەكان ناشرین دەكات كە ناوچەیەكە ناسراوە بە بەرتەسكی ئازادی رادەربرین و كاری میدیایی.