ستاندەر
بەگوێرەی بەدواداچونێكی ناوەندی عێراقی بۆ لێکۆڵینەوە ستراتیژییەکان ئەگەری رێكەوتنی نێوان هەولێر و بەغدا لەسەر پرسی نەوت ئاسانترە وەك رێكەوتن لەسەر پرسی داهات و شێوازی بەرێوەبردنی خاڵە سنوریەكانی هەرێم.
ناوەندە لە راپۆرتێكدا لە زاری شرۆڤەكاران رایگەیاندووە دواجار حكومەتی هەرێم رازی دەبێت بە تەسلیمكردنی 250 هەزار بەرمیل نەوت، بەڵام لەبارەی دەروازە سنوریەكان رێكەوتن ئاسان نیە بەو پێیەی بەشێک لەدەروازەکان کاتی تایبەتیان هەیە بۆ داخڵکردنی کەلوپەلە قاچاخەکان.
حكومەتی عێراق پێشتر داوای كردووە لە پرۆسەی وردبینی لە داهاتی خالە سنوریەكانی هەرێم بەشدار بێت، بەڵام بە بیانوی جۆراوجۆر تا ئێستا دەسەڵاتی هەرێم بەو هەنگاوە رازی نەبوە، ئەوەش هەموو هەولەكانی گەیشتن بە رێكەوتنی بێ ئاكام كردووە.