ستاندەر
حەسەن جەنابی، بالوێزی عێراق لە توركیا زانیاری لەبارەی سەردانە چاوەروانكراوەكەی كازمی بۆ توركیا ئاشكرا دەكات كە بەشێكی پەیوەندی بە نەوت و داهاتی نەوتی هەرێم هەیە لە توركیا.
جەنابی رایگەیاندووە :” چەند مەلەفێك هەیە پێویستە لەگەڵ توركیا یەكلابكرێتەوە كە لەنێویاندا پارە بلۆككراوەكانی عێراقە لە بانكە توركیەكان كە داهاتی فرۆشتنی نەوتی هەرێمە و لە توركیا دەستی بەسەردا گیراوە.
وتیشی:” بەشێكی تری سەردانەكە پەیوەندی بە سكاڵای عێراقەوە هەیە لە دادگای فەرەنسا دژ بە توركیا لەبارەی فرۆشتنی نەوتی هەرێم لە رێی توركیاەوە.
ئەوەشی ئاشكرا كردووە ئەو بابەتانە لەلایەن لیژنە هاوبەشەكانی توركیا و عێراقەوە تاوتوێ دەكرێت، جێی باسە لە سەر ئاستی هەرێم و عێراقیش هەوڵێكی زۆر هەیە بۆ راگرتنی فرۆشتنی تاك لایەنەی نەوتی هەرێم بە هاوكاری توركیا، كە زۆرینەی راپۆرتەكان ئاماژە بە خراپ سود وەرگرتنی توركیا دەدەن لە داهاتی نەوتی هەرێم