بەرپرسی مەڵبەندی یەكێتی لە بەغدا: لەگەڵ پارتی ڕێكنەكەوین، سیناریۆی 2018 دووبارە دەبێتەوە.

لەلایەن ستاندار Posted on 609 جار بینراوە

 

ستاندەر

رابیحە حەمەد، بەرپرسی مەڵبەندی یەكێتی لە بەغدا لە وتووێژێی تایبەتی ستاندەر رایگەیاند، چاوەڕێ دەکرێت لەهەفتەی داهاتوو هەنگاوی خێراتر بۆ پێکهێنانی حکومەتی نوێی عێراق دەستپێبکات. وتیشی: شیعە و چوارچێوەی هەماهەنگی بەتایبەت پێیان خۆشە کورد لەسەر کاندیدێک ڕێکبكەوێت.
لە وەڵامی پرسیاری ڕیككەوتنیان لەگەڵ پارتیدا ناوبراو وتی: ئەگەر لەگەڵ پارتی ڕێکكەوتین باشە ئەگەر نا سیناریۆی 2018 دووبارە دەبێتەوە و بە کاندیدی جیاواز دەچینە پڕۆسەکە. چوارچێوەی هەماهەنگییش خۆی یەکلایی کردۆتەوە پشتیوانی کاندیدی یەکێتی دەکەن.

سەبارەت بە كۆبوونەوەكانیش رایگەیاند، هیچ وادەیەک نیە بۆ کۆبونەوەی پارتی و یەکێتی. ناوبراو وتیشی: ئێستا خەڵکی بەغدا پێویستی بەخزمەتگوزاری هەیە نەک هاتنە سەر شەقام لەسەر داوای سەدر.