دیارە هەموو رێگاکان دەچێتەوە بارزان ؟
یەکێتی لە باڵەوە بۆ بەرەی بابەکان!
ڕێبین شهمامكی
بۆ پارتی عەیب نیە و دەمێکە حکومڕانی حیزبایەتیان لە فۆڕمی بنەماڵەییدا سروشتی خۆی وەرگرتووە و لە سەر ریتمێکی کلاسیک، باوک بۆ کوڕ و برازا بە رێوە دەچێ، نە پێیان عەیبەیە و نە بنکە جەماوەریەکەیان ناڕازین لێیان،
بەلام ئەوەی بۆ یەکێتی جێی پرسیارە، لەو کۆنگرەیە لە فرە باڵیەوە بۆ فرە بەرەبابی ئاڕاستەی وەرگرت ، ئینجا بە قودرەتی رێکەوتنی پێش وەختەی کارەکتەرەکان بێت، وەک هەندێ لە ئەندامە دەرنەچووەکان باسی دەکەن! یان ئیفلاسی فکر و پاراستنی بەرژەوەندیەکان ! کە پێچەوانەی ئەو چاوەڕوانیە بوو کە جەماوەری یەکێتی چاوەڕێیان دەکرد لە کۆنگرە بکرێت و گۆڕانکاری لە بەڕێوە بردنی سیاسەتی یەکێتی بکەن و بە نەفەسەێکی تازەوە بێنێتەوە مەیدان.
بەڵام ئەوەی رووی دا شتێکی تر بوو، ئەوەی روویدا
رێککەوتنی کوڕانی بەرە بابەکان بوو لەسەر میراتی مام، نەک پەیام و دروشمی یەکێتیەکەی جاران!
چونکە تا خۆی مابوو، هیچێک لە کوڕانی بەرەباب دیار نە بوو رۆڵیان
بەڵام دوای کۆنگرە بەرەی بابەکان هاتنە پێش، بەتایبەتی بڕیارە سیاسیەکان دەکەوێتە دەستی ئاڵی تاڵەبانی و کۆنەکانیش لە ژێر هەیمەنەی کۆسرەت رەسوڵ لە ئەنجوومەنێکدا کۆکرانەوە بۆ کۆمەڵێ پرسی تەشریفات و مانەوەیەکی مسۆگەر بە مەقام و بەرژەوەندی جاران، نەیانهێشت بکەونەنە بەر رەخنەو دوورخستنەوەیان.
رەنگە بەرەی بابەکان لە بەڕێوەبردنی یەکێتیدا بەریەک بکەون و دۆخی یەکێتی و
پارتی و دۆخی یەکێتی و گۆڕان لەسەر دەستی کارەکتەرە گەنجەکان بکەوێتە قۆناغێکی ترەوە
دووریش نیە خاڵی ناکۆکی بەرەی بابەکان و بنەماڵە چیتر هاوتەریب نەبن بۆ بەرژەوەندی هەیمەنەی زۆنەکان و یەکتر ببڕن لە خاڵە ناکۆکەکان .
یەکێتی بە حوکمی چەندین ساڵەی خەباتی پڕ لە قوربانی جوانی لە شاخ بە ئایدۆلۆژیای جیا خۆی سەپاند و جیاواز لە پارتەکانی تر دەرکەوت، بەڵام لە دوای راپەڕینەوە، لە دوای چەبدین ساڵی پڕ لە شەڕو ململانێ لە گەڵ پارتی ، دواجار هاوپەیمان و رێککەوتنی ستراتیژی لەگەلیان، تا دەهات جیاوازیەکانی کاڵتر دەبوونەوە، بەتایبەتی لە حکومڕانی بنەماڵەیی، کە یەکەم خاڵی ناکۆکی مام و هاوڕێکانی بەشێکی مەکتەبی سیاسی ئەوسای پارتی بوو جیابوونەوە
ئێستاش دوای کۆنگرە یەکێتی دەکەوێتە دەست بەرەی بابەکان! کوڕانی مام ، کوڕانی شێخ ، کوڕانی کۆسرەت و کچانی ئیبراهیم ئەحمەد! واتە بە جیاوازیەکی کەم لە دوای پارتین و رەنگە ئەگەر ناکۆکی بواریان بدات لە کۆنگرەی داهاتوودا بڵێین هەموو رێگاکان دەچێتەوە بارزان! سەری ئەو پەندەش بخوا کە دەڵێ هەموو رێگاکان دەچێتەوە بانە.