بەپەلە: ٢٠٠٠ ھەزار کارمەندی ھێزەکانی ئاسایشی فرۆکەخانەی ھەولێر فۆرمی پۆلیسی فیدراڵی عێراق پڕ دەکەنەوە

ستاندەر
سەرچاوەیەکی ئاگەدار بە ستاندەری ڕاگەیاند لە ئێستا کارمەندانی ئاسایشی فرۆکە خانەی ھەولێر خەریکی پڕکردنەوەی فۆرمی پۆلیسی فیدراڵی عێراقن.
ئەو سەرچاوەیە وتیشی “تا ئێستا ٢٠٠٠ کارمەندی فرۆکەخانەی ھەولێر ئەو فۆرمەیان پڕکردۆتەوە”
جێ ی باسە دوای ریفراندۆم فرۆکەخانەکانی ھەرێم لە لایەن دەسەڵاتی فرۆکەوانی بەغداوە بەڕوی گەشتی ئاسمانی دەرەوە داخراون، مەرجی کردنەوەشیان بەوە بەستراوەتەوە کە دەبێت فرۆکەخانەکان بخرێنە ژێر دەسەڵاتی ئەمنی بەغداوە.
پێشتر سەرچاوەیەکی فرۆکەخانەی نێودەولەتی ھەولێر بە ستاندەری ڕاگەیاندبوو ئێستا بەشێکی بەرچاو لە ئاڵاکانی کوردستان لەناو فرۆکەخانەی ھەولێر لابراون و ئاڵای عێراق زیاد کراوە ئەویش دوای ئەوەی کە وەفدێکی بەغدا سەردانی فرۆکەخانەی ناوبراوی کرد و، داوای کەمکردنەوەی ئاڵای کوردستان و زیاترکردنی ئاڵای عێراقی کرد.
لە وتاری ھەفتانەی خۆشی رۆژی سێ شەممە عەبادی ڕایگەیاند بۆ چارەسەرکردنی کێشەی فرۆکەخانەکانی ھەرێم لە رێکەوتن نزیک بونەتەوە و فرۆکەخانەکان دەخرێنە ژێر دەسەڵاتی فیدراڵی عێراق.