ستاندەر
رایان دیلۆن وتەبێژی رەسمی ھێزەکانی ھاوپەیمانان لە باکوری سوریا لە سەبارەت بە بڕیاری دۆناڵد ترەمپ سەرۆکی ئەمریکا بە کشانەوەی ھێزەکانی ئەمریکا لە باکوری سوریا، رایگەیاندوە: وەک ھێزەکانی ھاوپەیمانان بە ھەماھەنگی لەگەڵ ھێزەکانی سوریای دیموکرات بەردەوامدەبن لە رووبەڕووبوونەوەی تیرۆرستانی داعش لەناوچەکەدا.
راشیگەیاند: ئەرکی گرنگ و سەرەکی وەزارەتی بەرگری ئەمریکا لە باکوری سوریا رووبەڕوبوونەوەی رێکخراوی تیرۆرستی داعشەو ھیچ گۆڕانکارییەک بەسەر سیاسەتماندا نەھاتووە لە ناوچەکەدا.
ئەمەش لەکاتێکدایە لە چەند رۆژی رابردوودا، ئەمریکا ھێزەکانی خۆی لە منبج زیادکردووە، کە ئەمەش ھاوکاتە لەگەڵ ھەڕەشەکانی تورکیا بۆ ھێرشکردنەسەر ئەو شارە.