ستاندەر
ھەریەک لە ئەندامانی پەرلەمانی کوردستان حاجی کاروان لە فراکسیۆنی یەکگرتوو لەبەرنامەیەکی تەلەفزیۆنی وە ئومێد خۆشناو لە فراکسیۆنی پارتی لە ڕوونکردنەوەیەک ڕایدەگەیەنن ئەوانەی بەشدار نەبوون لە ریفراندۆم پێویستە دادگایی بکرێن چونکە دژی سەربەخۆیی بوونە، ئەوەش لە وەڵامی د.یوسف محەمەد کە رایگەیاندبوو پێویستە ئەنجومەنی باڵای ریفراندۆم دادگایی بکرێن چونکە بونە ھۆی بچوک بونەوەی ھەرێم و برینی قوتی خەڵک دۆڕانی خاکی کوردستان.
جێی باسە ئێستا پارتی و یەکگرتوو لە زۆرینەی ھەڵوێستە سیاسیەکانیان لەسەر ئاستی بەغدا وەک یەکن بۆیە بەشێک لە چاودێران پێیان وایە لە ئەنجومەنی نوێنەرانی داھاتوو لە بەغدا ئەو دوو لایەنە دەبنە ھاوپەیمانی یەکتر.
