چەمکی ریفراندۆمچییەکان، چەمکێکی دورستە ،قروچییە و، رەگی مێژوویی هەیە..
نیاز حەمید
پێش ئەنجامدانی ریفراندۆم بە سێ ساڵ، کاری جددیم لەسەر ئەو فایلە کرد ، سەدان نوسین و دیمانەی تەلەفزیۆنی شاهێدی ئەوە دەدەن .
یەکەم گوتارێک کە نوسیبم مانگی چواری سالێ ٢٠١٤٤ بوو لە هاولاتی بڵاوبۆوە، سەبارەت بە وتارێکی گرنگی ناوەندی ستراتفۆر بوو ، کە سەرۆکی پارتی بە ساختەچی ناوبرد بوو.
ریفراندۆم هیچ نەبوو جگە لە پرۆژەیەکی تێکدەرانەی ئاکەپە ، ئەلتەرناتیڤ یا تەریب بوو بە پرۆژەی داعش لە ناوچەکە.
پارتی باشترین جێبەجێکاری ئەو پرۆژەیە؟ بۆچی پارتی هەلبژێردرا بۆ ئەم گاڵتەجارییە ؟
چونکە پارتی بەشێکە لە مەنزومەی سەربازی وئیستخباریی وئابوری ئاکەپە.
ریفراندۆمچیی لە سەر وەزنی قروجییە(پاسەوان گوند-بەکریگیراو یا جاشەکانی باکور) ، قروجیی کاری هەرە لە پێشی پارتیە ، تورکەکانیش هەروا سەرۆکی پارتیو خودی پارتی دەبینن.
کاتێ فڕگەی هەولێر ی کۆن کرا بە ناوەندی گواستنەوەی چەک وتەقەمەنی بۆ رۆژئاڤا لەلایەن ئەمەریکیەکانەوە ، ئیلنور چەڤیک لە سەباح دەیلی نیوز نوسی : هەقە شەقازلەیەک لەو پیاوەی خۆمان بدەین ، مەبەستی مەسعود بارزانی بوو، دیارە بە ناویش ناوی هێنا بوو.
ریفراندۆمچییەکان ، کەمن ، بەڵام بەرپرسی یەکەم وسەرۆکی رفراندۆمچییەکان خودی کەسی سەرۆکی پارتیە ، ئەوانی دیکە مورتەزەقەی دەرجە دوو و سێی پارتی ودەزگای جاسوسی میتن.
ئەوانەی دەنگیاندا ، چوارجۆر بوون، جیوازن لە ریفراندۆمچییەکان ؛
-ئەندامانی مەنزومەی ئیستخباری وسەربازیو ئابوری پارتی لە ناو ئاکەپە .
– دووەم: گێل و نەفامەکانی حزب بوون .
– سێیەمیش: ئەو کەسانە بوون کە دەوڵەتیان بە پیرۆز دەزانی ، جا کێ دەوڵەت وچ دەوڵەتێکیان بۆ دورست دەکات گرنگ نییە.
– چوارەم گروپ ئەو گروپانە بوون لە حزبەکانی دەرەوەی یەکێتیو پارتی بۆ ئەوەی تۆمەتبار نەکرێن بە دژایەتیکردنی دەوڵەتی کوردی لە بەردەم خەڵکی بە ناچاری و بەبێ قەناعەت بە پرۆژەکەی ئاکەپە-پارتی، پشتیوانیان لێکرد.
جگە لە گروپی یەکەم وچوارەم ، ئەوانەی دووەم وسێیەم پێکدەهێنن ، ئەوەندە تاوانبار نین ، لە سایەی گێلێتیدا یا نەناسینی بەرامبەر ، سزاکەی ئەوەندە قورس نییە.
دەبو رێکخەری گشتی کە لە گروپی چوارەم بوو ، ئیستقالەی بدابایە ، ئەوەندە خەڵکی گۆڕانخواز ئیحراج نەکردایە ، من داواشم لێکرد کاتی خۆی بەڵام گوێی نەگرت.
دادگایی کردنی ریفراندۆمچییەکان ، وەک دکتور یوسف محەمەد ، سەرۆکی پەرلەمانی کۆدەتا بەسەرکراو، باسی لێوە کرد ، داوایەکی دورستە و لە جێدایە و دەبێت داکۆکی لێ بکەین..دڵنیام مەبەستی ئەوانە نییە کە بەشداریان کردووە بەڵکو مەبەستی کەسی سەرۆکی پارتی و کۆمیتەی ریفراندۆمە ، ئەوەش نەک تەنها لە بەر خودی ئەنجامدانی ریفراندۆم ، بەڵکو بە هۆی ئەوە پیلانێکی داگیرکەرانی کوردستانیان بە بەکاربردنی چەمکێکی پیرۆز لای خەڵکی کوردستان ، ئەنجامدا ، بە مانایەکی دیکە دادگاییکردنیان بە تاوانی دەست تێکەڵکردن لەگەڵ داگیرکەران و ساختەچێتییە.
پیلانی گاڵتەجاریی ریفراندۆم بۆ دورستکردنی دەوڵەت نەبوو ، چونکە چۆن مورتەزەقە و وابەستە دەوڵەت دورست دەکات ، بەڵکو بریتی بوو لە هێنانە کایەوەی رەوشێک وەک ئەوەی ئێستا هەیە.
تورکیا ئێستا ،نەوتی کوردستان بەتاڵان دەبات ، کوردستان داگیر دەکات ، گەمارۆیی بزاڤی ئازادیخوازی کوردان دەدات ،ئەمانە هەمووی دەرئەنجامەکانی ریفراندۆمە کە ئاکەپە بە ریفراندۆمچییەکانی کرد.. بۆیە دەبێت ئەو ریفراندۆمچیانە دادگایی بکرێن ، ئەگەر ئیمرۆش نەبێت ، سبەینێ بە دڵنییایەوە دەبێت دادگایی بکرێن.