ئه‌و رۆڵه‌ی چاوه‌ڕوان ده‌كرێ د.به‌رهه‌م سالح سه‌رۆك كۆماری عێراق بیگێڕێ

لەلایەن ستاندار Posted on 401 جار بینراوە

 نعمت عبدالله

به‌ پێی ماده‌ی ٦۷ له‌ ده‌ستووری عێراق سه‌رۆك كۆمار زیاتر ئیشرافیه‌ نه‌ك ته‌نیا ته‌شریفاتی بێ ، چونكه‌ شه‌ونخوونی ده‌كا بۆ پابه‌ندبوون به‌ده‌ستوور واته‌ حامی الدستوور به‌م جۆره‌ ده‌چێته‌ ناو وورد و درشتی كاروباره‌كانی ده‌وله‌ت و حوكومه‌ت .
__به‌گوێره‌ی ماده‌ی ٦٦ ی ده‌ستوور سه‌رۆك كۆمار به‌شێكی گرنگه‌ له‌ ده‌سه‌لاتی جێبه‌جێكردن به‌تایبه‌تی ئه‌و ده‌سه‌لاتانه‌ی له‌ ماده‌ی۷۳ جێگیركراوه‌ .
__ له‌ ماده‌ی ۷۱ی ده‌ستوور هه‌ر ئه‌و سوێنده‌ ده‌خوا كه‌له‌ماده‌ی ٥٠ دا هاتووه‌ كه‌ سه‌رۆك كۆمار پابه‌ند ده‌كا به‌ كۆمه‌لێك له‌ ئه‌رك و ده‌سه‌لات .
__ گێڕانی رۆلی نزیككردنه‌وه‌و كۆكه‌ره‌وه‌ی لایه‌نه‌كان و مایه‌ی ته‌بایی وپاراستنی هاوسه‌نگی له‌ پێناو به‌رژه‌وه‌ندی گشتی عێراقی فیدرال و هه‌رێمی كوردستان و پاراستنی ئاشتی و پێكه‌وه‌ ژیان بێت .
__ به‌ده‌نگه‌وه‌هاتن وبه‌رگری وداكۆكیكارێكی به‌هێز بێ له‌سه‌ر مافه‌ ده‌ستووری و یاساییه‌كانی گه‌لی كوردستان_ عێراق وهه‌رێمی كوردستان .
__ هه‌وله‌كانی خۆی بخاته‌ گه‌ڕ بۆ جێبه‌جێكردنی ماده‌ی ۱٤٠ .
__ ئاسایی كردنه‌وه‌و رێكخستنه‌وه‌ی مالی كورد به‌ هه‌ماهه‌نگی لایه‌نه‌كان و سه‌ركرده‌كانی كوردستان .
__ پاراستنی مافی پێكهاته‌ نه‌ته‌وه‌یی و ئایینیه‌كان .
_ دامه‌زراندنی نووسینگه‌یه‌كی كارا له‌ هه‌رێمی كوردستان به‌ناوی نووسینگه‌ی سه‌رۆك كۆمار ده‌كرێ له‌ چه‌ند پارێزگایه‌كی دیكه‌ش بكرێته‌وه‌ .
_ پشت به‌ستن به‌ كه‌سانی خاوه‌ن ئه‌زموون و پسپۆرو دلسۆزو پاك بۆ راپه‌ڕاندنی كاروباره‌كانی سه‌رۆكایه‌تی نه‌وه‌ك زۆرو بۆربێ .
__ سه‌رۆك كۆمارێكی به‌جووله‌و به‌رهه‌مدار بوون سه‌ركه‌وتنی وولات و گه‌له‌كه‌ی لێ ده‌كه‌وێته‌وه‌ جووله‌ش له‌سه‌ر ئاستی نێوخۆو هه‌رێمی و نێوده‌وله‌تی .

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.