ستاندەر
رەجەب تەیب ئەردوگان سەرۆک کۆماری تورکیا پەیامێکی مەترسیداری ئاشکرا کرد، بەگوێرەی ئاژانسی هەواڵی ئەنادۆڵی تورکی، رەجەب تەیب ئەردوگان رایگەیاندووە: سوپای تورکیا لەرۆژئاڤای کوردستان بچێتە هەرشوێنێک بەجێی ناهێڵێت، ئەردوگان ئاشکراشی کردووە: پلانی ئەنجامدانی ئۆپراسیۆنەکەیان هی ٣ بۆ ٥ ساڵ پێش ئێستایە.
لێدوانەکەی ئەردوگان دوای ئەوەدێت کەپێنجشەمەی رابردوو تورکیا و ئەمریکا رێکەوتنێکی ٩ خاڵیان واژۆکرد لەسەر دروستکردنی ناوچەی ئارام، بەپێی رێکەوتنەکە تورکیا پێ وسیتە ئاگربەست رابگەیەنێت لەگەڵ هێزەکانی سوریای دیموکرات، بۆماوەی ١٢٠ کاتژمێر، بەڵام سەرچاوەکانی هەواڵ باس لەوەدەکەن تورکیا پابەندی ئاگربەست نەبووە و تاوەکو ئێستا داگیرکاریەکەی بۆسەررۆژئاڤا بەردەوامە.