ستاندەر
شەوی رابردوو ژمارەیەک چەکداری نەناسراو بەچوارئۆتۆمبێلی جۆری پیکاب، هێرشیان کردەسەر گۆرەپانی تەحریر و تەقەیان لەخۆپیشاندەران کرد، بەگوێرەی زانیاری میدیا عێراقییەکان لەئاکامی تەقەکردنەکە ٢٠ خۆپیشاندەر کوژراون و ٤٥ دیکەش بریندرابوونە، کەبرینی بەشێکیان زۆر قوڕسە.
لای خۆشیەوە وتەبێژی وەزارەتی ناوخۆی عێراق لەبەیاننامەیەکدا رایگەیاندووە: دوای سێ سەعات لەروداوەکە لێکۆڵینەوە دەستی پێ کردووە و هێزە ئەمنییەکان چواردەورى شوێنەکەیان گرتووە و بەدواى ئەو کەسانەدا دەگەڕێن کە تەقەیان کردووە.
شایەنی باسە خۆپیشاندانەکانی بەغدا و شارەکانی خوار و ناوەڕاستی عێراق ماوەی ٣٨ رۆژە دەستیان پێ کردووە، تاوەکو ئێستا زیاتر لە٥١٢ کەس کوژراون و بەهەزاران کەسیش بریندارکراون.