ستاندەر
ئاژانسی هەواڵی رۆیتەرز ئاماری کوژراوانی خۆپیشاندانەکانی ئەم دوایەی ئێران بڵاو دەکاتەوە، بەگوێرەی ئامارەکەی “رۆیتەرز” ژمارەی کوژراوانی خۆپیشاندانەکەی مانگی رابردووی ئێران ١٥٠٠ کەس بووە جگە لەبریندار بوونی هەزاران کەس و دەستگیرکردنی سەدان چالاکوان و خۆپیشاندەر لەلایەن هێزەئەمنییەکان و هێزەکانی سوپای پاسدارانی ئەو وڵاتەوە، لەبەشێکی تری ڕاپۆرتەکەی رۆیتەرزدا هاتووە “علی خامنەئی” رابەری شۆڕشی کۆماری ئیسلامی ئێران، فەرمانی بەهێزە چەکدارەکان کردووە کەوا دەست نەپارێزن لەکوشتنی خۆپیشاندەران.
جێگەی باسە خۆپیشاندانەکانی ئێران دوای ئەوە هات کەوا حکومەتی ئەو وڵاتە بڕیاریدا نرخی بەنزین بۆ سێ هێندەی نرخی جارانی بەرز بکاتەوە، ئەمەش بووە هۆی دەربڕینی ناڕەزایەتی لەلایەن هاوڵاتیان لەزۆربەی شارەکانی ئەو وڵاتەوە بەتایبەت لەشارەکوردییەکان.