ستاندەر
لەدوای دەرکەوتنی ڤایرۆسی کۆڕۆنا لە وڵاتی چین و دواتر بڵاوبوونەوەی بەتەواوی وڵاتانی جیهاندا لەئێستادا چین لە دوای ئەمریکا و ئیتاڵیا و ئیسپانیا لە پلەی چوارەمی ئەو وڵاتانە دێت لەڕوی ڕێژەی توشبووان بە ڤایرۆسەکە.
لەئێستادا ئەمریکا لە پلەی یەکەمی وڵاتان دایە و زیاتر لە ۱٦٤ هەزار کەس لەو وڵاتە توشی ئەو ڤایرۆسە بوون بەوەش ڕێژەکەی دەکاتە زیاتر لە دوو ئەوەندەی ڕێژەی توشبووانی چین بە ڤایرۆسەکە کە چین ناوەندی سەرهەڵدانی ڤایرۆسەکەیە و تاکو ئێستا ٨۱ هەزار حاڵەتی تووشبوون بەو ڤایرۆسە تۆمارکراوە.
لەدوای ئەوەی وڵاتی چین چەند جارێک ئەمریکای بە دروستکەری ڤایرۆسەکە تۆمەتبارکرد و ڕایگەیاند کە ئەمریکا ئەو ڤایرۆسەی دروستکردووە بۆ داڕمانی ئابووری چین و لەدوای گەیشتنی ڤایرۆسەکە بە ئەمریکا سەرۆکی ئەو وڵاتە دۆناڵد ترمپ ڤایرۆسەکەی بە ڤایرۆسی چینی ناو برد و لە لێدوانەکانیدا لەبڕی بەکارهێنانی ناوی زانستی ڤایرۆسەکە کۆڤید ۱۹ یان کۆڕۆنا ڤایرۆسەکەی بە ڤایرۆسی چینی ناو دەبرد وەکو ئاماژەیەک بۆ ئەوەی ڤایۆسەکە لەوێوە سەریهەڵداوە وا ئێستا بەرۆکی جیهانی گرتووە.