ستاندەر
نەبیل موسەوی پسپۆری ئابوری عێراقی رایدەگەیەنێت عێراق توانای پیویستی نیە بۆ بەرگەگرتنی قەیرانی دارایی، ئاماژە بۆ ئەوەش دەكات كاریگەریەكانی دابەزینی نرخی نەوت تا ساڵی 2021 لەسەر عێراق دەمێنێت.
ناوبراو لە لێدوانێكی رۆژنامەوانی رایگەیاند رێكەوتنی ئۆپیك بۆ كەمكردنەوەی بەرهەمهێنانی نەوت كاریگەری لەسەر ئابوری عێراق دەبێت بەئاراستەی باش بون، چونكە عێراق ئابوریەكەی نەوتیە.
ئەوەشی خستە روو پێدانی موچە لە ماوەی داهاتوو حكومەت توشی كێشە دەكاتەوە، ئەو دلنیاییانەش كە باس لەوە دەكەن عێراق پێدانی موچەی بۆ داهاتوو مسۆگەر كردوە تەنها وروژاندنی میدیاییە و راستی تێدانیە