ستاندەر
فاتح یەڵدز بالێوزی توركیا لە بەغدا وردەكاریەكانی لێپرسینەوەكانی كە لە وەزارەتی دەرەوەی عێراق لەگەلی كراوە لەبارەی بۆردومانكردنی كەمپی شەهید رۆستەمی كوردانی باكور لە مەخمور ئاشكرادەكات.
ناوبراو راگەیاندووە:” وەزارەتی دەرەوەی عێراق نیگەرانی خۆیان دەربریوە لەبارەی بۆردومانی كەمپی مەخمور و بە پێشێلكاری وەسفیان كردوە.
بەڵدز وتوشیەتی” ئەو كەمپە ئێستا كەمپێكی سەربازیە و هەرەشەی بۆ سەر توركیا دروست كردووە، هاوكات هەرەشەشە لەسەر عێراق”.
بالوێزی توركیا وتوشیەتی ئەوەی توركیا كردویەتی بە گوێرەی یاسای نێودەولەتی بەرگری لەخۆكردنە كە بەگوێرەی میساقی نەتەوەیەكگرتووەكان رێگاپێدراوە.
فاتح یەلدز وتوشیەتی بە بەرپرسانی عێراقمان راگەیاندوە كە كەمپەكە ئێستا بۆتە مۆلگەی تیرۆر و پێویستە چارەسەری بكەن و ئێمە رێز لە سەروەری خاكی عێراق دەگرین.
جێی باسە رۆژی چوارشەممەی رابردوو فرۆكەی توركی كەمپی شەهید رۆستەمیان بۆردومان كرد كە بەهۆیەوە سێ هاوڵاتی شەهید بوون.