ستاندەر
لە راگەیەنراوێكدا ئەمیندارێتی گشتی ئەنجومەنی وەزیرانی عێراق، لەلاپەڕەی رەسمی خۆی لە فەیسبوك، رایگەیاند: ئەو لێدوانانەی بڵاوكراونەتەوە سەبارەت بە دەستكاریكردنی سیستەمی ئێستای موچە، پەنابردنە بەر پاشەكەوت و یاخود كەمكردنەوەی موچەی فەرمانبەران، رەتدەكەینەوە.
پێشتر عەلا فەهد، وتەبێژی ئەمێندارێتییەكە بە رۆژنامەی “سەباح”ی راگەیاندبو: وەزارەتی دارایی تاوتوێی چەند پێشنیارێك دەكات سەبارەت بە دەستكاریكردنی سیستمی ئێستای موچە لەسایەی گۆڕانكارییە ئابورییەكان و دابەزینی نرخی نەوتەوە.