ستاندەر
سۆران عومه‌ر پەرلەمانتاری كۆمەڵی ئیسلامی لە لاپەرەی خۆی لە فەیسبووك باسی چارەنوسی یەك ملیار دۆلارەكەی هەرێم دەكات كە لە بانكێكی لوبنان بلۆك كرابو.
ناوبراو رایگەیاندووە ” به‌پێی زانیاریه‌كان پاره‌كه‌ی لوبنانیان گه‌ڕاندوه‌ته‌وه، له‌م ڕۆژانه‌دا پاره‌یه‌كی زۆر چوه‌ته بانكی ناوه‌ندی ھه‌رێم له هه‌ولێر بڕه‌كه‌شی زیاتر ٨٠٠ ملیار دیناره”.
دەشلێت “55 ڕۆژ به‌سه‌ر دابه‌شكردنی موچه‌ی مانگی ١٢ ی ساڵی ٢٠١٩ دا تێپه‌ڕیوه، ھێشتا دیار نیه كه‌ی موچه‌ی مانگی یه‌كی مانگی ٢٠٢٠ دابه‌شده‌كه‌ن، به‌مه‌ش مه‌به‌ستیانه مانگ بگات به ٦٠ ڕۆژ، ئه‌وكات ده‌ست به‌دابه‌شكردنی موچه ده‌كه‌ن”.