ستاندەر
یوسرا رەجەب ئەندامی سەربەخۆی ئەنجومەنی نوێنەرانی عێراق رایدەگەیەنێت “به‌هۆی ڕه‌زامه‌ندی كازمی سه‌رۆكی ئه‌نجوومه‌نی وه‌زیران عێراق له‌سه‌ر ڕه‌وانه‌كردنی 400 ملیار دینار بۆ هه‌رێمی كوردستان، كۆمه‌ڵێك ئه‌ندام په‌رله‌مان له ئه‌نجومه‌نی نوێنه‌رانی عێراق بڕیاریانداوه هه‌لوێستی توندیان هه‌بێ به‌رامبه‌ر به ناوبراو پاش كۆتایی هاتنی پشوی جه‌ژنی ره‌مه‌زانی پیرۆز.”
دەشڵێت،”پێشوتریش وتمان به ڕه‌وانه‌كردنی ئه‌و 400 ملیار دیناره كێشه‌كان چاره‌سه‌ر نه‌بوه و نابێ بۆ تێپه‌ڕبونی ئه‌م بارودۆخه پێویستیمان به ده‌ستپاكی و دڵسۆزی و ڕاستگۆیی به‌ناو سه‌ركردایه‌تی هه‌رێم هه‌یه چ له‌گه‌ڵ گه‌له‌كه‌مان و چ له‌گه‌ڵ عێراقیشدا، چونكه قه‌یرانه‌كانی هه‌رێم ده‌ستكردی خۆیانه و هی بێ پلانی ئابوری نییه.”
یوسرا رەجەب ئەوەشی ئاشكرا كردووە كە ده‌یان جار وتمان تكایه ئه‌و 250 هه‌زار به‌رمیل نه‌وته ڕۆژانه ڕاده‌ستی حكومه‌تی ئیتیحادی بكه‌ن له وەڵامدا ده‌یانوت،( سه‌رۆك ده‌ڵێ یه‌ك قه‌تره نه‌وت ڕه‌وانه‌ی به‌غدا ناكه‌ین)”