ستاندەر
ئەندامێكی لیژنەی بەرگری و ئاسایشی ئەنجومەنی نوێنەرانی عێراق داوای هەڵوێستی ڕوون دەكات لە كازمی بەرامبەر دەستدرێژیەكانی توركیا.
مەهدی تەقی ئەندامی لیژنەی ناوبرا لە لێدوانێكدا رایگەیاندووە: ” بێ دەنگی مستەفا كازمی لە دەستدرێژی و پێشێلكاری سەروەری خاكی عێراق وادەكات ئەنجومەنی نوێنەران لێپرسینەوەی لەگەل بكات، چونكە عێراق بەهۆی ئەو پێشێلكاریانە سەروەری خاكەكەی لەدەستداوە.
ناوبراو راشیگەیاندووە هەڵوێستی حكومەتی عێراق لە ئێستا و رابردوو هیچ سنورێكی بۆ دەستوەردانی توركیا و ئەمریكاش دانەناوە و ئەو بریارەی جێبەجێنەكردووە كە ئەنجومەنی نوێنەران دەری كردووە بۆ كۆتایی هێنان بە بونی هێزی بیانی لە عێراق.