” ڕەنگە ئەو بڕە پارەیەی بەغدا بۆ هەرێمی دەنێرێت گۆڕانكاری بەسەردا بێت”

لەلایەن ستاندار Posted on 224 جار بینراوە

ستاندەر

جێگری یەكەمی سەرۆكی ئەنجومەنی نوێنەرانی عێراق رایدەگەیەنێت: ” پێشبینی ده‌كرێت دوای ئەم سه‌ردانەی دواییان بۆ ئه‌مه‌ریكا، گه‌رموگوڕی لە گفتوگۆكانی هه‌ولێر و به‌غداوه‌ بێته‌ ئاراوه‌.” دەشلێت بڕیاره‌ به‌م نزیكانه‌ شاندی كوردستان بێته‌وه‌ بۆ به‌غدا و قسه‌ له‌سه‌ر نه‌وت و بودجه‌ و خاڵه‌ سنوورییه‌كان و ماده‌ی 140 بكرێت و له‌گه‌ڵ به‌غدا بگه‌نه‌ رێككه‌وتن.

بەشیر خەلیل حەداد، جێگری سەرۆكی ئەنجومەنی نوێنەرانی عێراق هەروەها بە باسنیوزی راگەیاندووە: “ره‌نگه‌ ئه‌م پاره‌ی ئێستا له‌ به‌غداوه‌ دێت گۆڕانكاری به‌سه‌ردا بێت، ره‌نگه‌ گفتوگۆكان گۆڕانكاری به‌سه‌ر رێككه‌وتنی پێشوودا بهێنن، ره‌نگه‌ خاڵی دیكه‌یشی بۆ زیاد بكرێت. ئه‌م پاره‌یەی ئێستا دێت ئه‌م 300 و قسوور ملیاره‌ بۆ ماوه‌ی 3 مانگ به‌رده‌وام ده‌بێت، تا ئه‌و كاته‌ی بودجه‌ی 2021 دێته‌ په‌رله‌مان و په‌سه‌ند ده‌كرێت، ئه‌و كاته‌ بڕه‌ بودجه‌یه‌كی دیكه‌، به‌پێی ئه‌و رێككه‌وتنه‌كه‌ی نێوان هه‌ردوولا جێگیر ده‌كرێت، بەڵام تا په‌سه‌ندكردنی بودجه‌ی 2021 ئه‌م بڕه‌پاره‌یە به‌رده‌وام له‌ به‌غدا بۆ هەولێر دێت”.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.