ستاندەر
جەیمس گیلمۆر نێردەی ئەمریكا لە ڕێكخراوی ئاسایش و هاریكاری ئەوروپا ڕایگەیاند، دەبێت ئەلیكساندەر لۆكانشینكۆ سەرۆكی بێلاروس ڕازی بكرێت كە نابێت چیتر سەرۆكی ئەو وڵاتە بێت. وتیشی، لوكانشینكۆ لەو بڕوایەدایە كە هەڵبژاردنی ساختە و سەركوتكردنی گەل كارێكی قبوڵكراوە.
جێی باسە ئەمریكا تا ئێستا دانی نەناوە بە دەرەنجامی هەڵبژاردنەكانی بیلاروسدا و لەگەل ژمارەیەك لە وڵاتانی خۆرئاوا هەڕەشەی سەپاندنی سزا بەسەر ئەو وڵاتەدا دەكەن. ئەلیكسەندەر لوكانشینكۆ لەلایەن خەڵكی وڵاتەكەیەوە بە ساختەكردنی هەڵبژاردنەكان و گەندەڵی تۆمەتبار كراوە و ئەوەش بیلاروسی ڕووبەڕووی خۆپیشاندان و ناڕەزایی كردووەتەوە.