لەكاتی سەردانەكەیدا، داوایەكی كازمی لە هەرێمی كوردستان ڕەت دەكرێتەوە

لەلایەن ستاندار Posted on 283 جار بینراوە

ستاندەر

بەگوێرەی زانیاری چەند سەرچاوەیەك لەكاتی سەردانەكەیدا مستەفا كازمی سەرۆك وەزیرانی عێراق بۆ هەرێمی كوردستان و كۆبونەوەی لەگەل بەرپرسانی هەرێم، داوای كردووە بە لیستێك ناوی سەرجەم ئەو چەك و ژمارە و جۆرەكانی كە لەلایەن هاویەپمانانەوە  دراوەتە وەزارەتی پێشمەرگە ئاراستەی بەغدای بكەن و پەرلەمانتارێكیش داواكە بە نا دەستوری دادەنێت.

دانا جەزا، پەرلەمانتاری پارتی لە ئەنجومەنی نوێنەرانی عێراق لە بارەی ئەو داوایە رایدەگەیەنێت: بە پێی دەستووری عێراق هەرێمی كوردستان بۆی هەیە دەزگای یاسادان و جێبەجێكردن و دادی هەبێت، هەر ئەم سێ‌ دەزگایە دەتوانێت سەرپەرشتی هەموو ئەو دامودەزگایانە بكەن كە لە هەرێمی كوردستان بوونیان هەیە، بوونی چەك و تەقەمەنیش هەر دەچێتە چوارچێوەی ئەو دەزگایانەی هەرێم و پارێزەری حكومەتی هەرێمی كوردستانن.

ناوبراو لە لێدوانێك بۆ ئیس ئێن ئێن وتیشی: ئەو چەك و تەقەمەنیانەی كە لەلایەن هاوپەیمانانەوە بە حكومەتی هەرێم دراون ئاراستەی وەزارەتی پێشمەرگە كراون، وەزارەتی پێشمەرگەش وەزارەتێكی یاسایی و دانپێدانراوی حكومەتی عێراقە، بۆیە هەر چەك و تەقەمەنییەك كە لەلای وەزارەتی پێشمەرگەیە حكومەتی عێراق ناتوانێت داوای ئامادەکردنی لیستێک بکات لەبارەیەوە یاخود لێی بستێنێتەوە ئەگەریش داوایەكی لەو شێوەیە بكرێت نادەستوورییە.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

ئەم ماڵپەڕە لە ئەکیسمێت بۆ کەمکردنەوەی هەرزە واڵە و سپام سوود دەگڕێ. فێربە چۆن زانیاری بۆچونەکانت ڕێکدەخرێت.