نهێنیەكانی كۆبونەوەكەی كۆشكی ئەلیزێ لەنێوان وەفدی رۆژاڤای كوردستان و ماكرۆن

لەلایەن ستاندار Posted on 723 جار بینراوە 0 سەرنج
makron1

ستاندەر

ئیمانیۆل ماكڕۆن، سەرۆك كۆماری فەرەنسا بە شێوەیەكی فەرمی لە كۆشكی ئەلیزێ پێشوازی لە وەفدێكی باڵای ئیدارەی خۆسەری رۆژاڤای  کوردستان بەسەرۆكایەتی ئیلهام ئەحمەد هاوسەرۆكی ئەنجومەنی سوریای دیموكرات کرد.

ئەو كۆبونەوە دوای ئەوە دێت ئەردۆغان دژایەتی خۆی بۆ ئەو هەوڵەی ماكرۆن پیشاندا و داوای كرد پێشسوازیان لێنەكات.

بەگوێرەی راگەیەنراوی كۆشكی ئەلیزێ لە كۆبونەوەكە ماكرۆن جەختی لەسەر پێویستی پاراستنی سەقامگیری باكوری رۆژهەڵاتی سوریا(رۆژاڤا) كردۆتەوە.

ناوبراو ستایشی رۆڵی شەرڤانان و قوربانیدانی كردونەتەوە لە شەڕی داعش بۆ پاراستنی هاوڵاتیان، جەختی لەوەش كردۆتەوە شان بەشانی شەرڤانان لە شەڕی دژی تیرۆر بەردەوام دەبن.

ماكرۆن بەڵێنی بەردەوامی هاوكاریە مرۆییەكانی بەنوێنەرانی ئیدارەكە داوە.

بێریڤان ئەحمەد، یەكێك لە نوێنەرانی ئیدارەی خۆسەر لەبارەی دانیشتنەكە بە فرانس پرێسی راگەیاندووە لە دیدارەكە بە پلەی یەكەم گفتوگۆ لەبارەی پشتیوانی كۆمەڵگەی نێودەوڵەتی كراوە بۆ داننان بە ئیدارەی خۆسەری رۆژاڤا.

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

This site uses Akismet to reduce spam. Learn how your comment data is processed.