ستاندەر
دوای ئەوە لەبەرەبەیانی ئەمڕۆوە فڕۆکە جەنگیەکانی تورکیا بە نزمی لە ئاسمانی زینی وەرتێ و باڵەیان دەسوڕانەوە و چاودێری ناوچەکەیان دەکرد کەمێک بەر لە ئێستا لۆفەی سیپانی و کانیێ ستێرۆکانی لە زینی وەرتێ و سێکانیان و، کونەکۆتری لەدۆڵی باڵەیان بۆردوومان کرد، هەرچەندە تاکو ئێستا زەرەروو زیانەکانی بۆردوومانەکە دیار نییە بەڵام تاکوو ئێستا فڕۆکە جەنگیەکانی تورکیا لەئاسمانی ئەو ناوچانە دەسوڕێنەوە.
جێگای باسە زیاد لە 8 مانگە فڕۆکەی چاودێری تورکیا بەردەوام چاودێری قەندیل وگوندەکانی ئەو بنارە دەکات، بەدوای فڕۆکەی چاودێریش هەندێک جار فڕۆکەی جەنگی دێت و بۆردومانی ئەو ناوچانە دەکات.
ئەوە لەکاتێکدایە ئەو شوێنانەی زینی وەرتێ کە ئەمشەو بۆردوومانکراون چەند ڕۆژێک بەر لە ئێستا هێزێکی یەکەی حەفتای یەکێتی وهێزی هاوبەشی لیوای حەوتی پیادەی سۆران لەو شوێنە جێگیرکراوە.